Гродзенскія ўлады з дапамогай мабільнага аператара сувязі МТС спрабуюць прыцягнуць жыхароў Прынямоння да ўдзелу ў датэрміновым галасаванні па выбарах дэпутатаў мясцовых саветаў.

Жыхары Гродзенскай вобласці-карыстальнікі мабільнай сувязі МТС атрымліваюць  смс-паведамленні, у якіх іх запрашаюць прыняць удзел у датэрміновым галасаванні.

У прэс-цэнтры кампаніі „Мабільныя тэлесістэмы” пацвердзілі факт рассылкі паведамленняў:

– Кампанія ў праве прапаноўваць інфармацыйна-рэкламную інфармацыю.  Заказчык: Гродзенскі выканаўчы камітэт; такім чынам ён паведамляе людзям, каб яны не забылі прыйсці на выбары.

Паводле выбарчага заканадаўства, удзел у датэрміновым галасаванні маюць права прыняць асобы, якія не ў стане прыняць удзел у выбарах 25 красавіка. Праваабаронцы сцвярджаюць, што захады ўладаў па прыцягненні насельніцтва на датэрміновае галасаванне не адпавядаюць заканадаўству і могуць спрыяць фальсіфікацыям на тых акругах, дзе балатуюцца незалежныя кандыдаты.

Радыё Рацыя