Гродзенскія ўлады з дапамогай мабільнага аператара сувязі МТС спрабуюць прыцягнуць жыхароў Прынямоння да ўдзелу ў датэрміновым галасаванні па выбарах дэпутатаў мясцовых саветаў.

Супрацоўнікі міліцыі затрымалі ў Ваўкавыску сябру Аб’яднанай грамадзянскай партыі Віталя Гуляка, які распаўсюджваў сярод жыхароў паштоўкі грамадскай кампаніі „Гавары праўду”. Яго прывезлі ў раённы аддзел унутраных спраў, дзе канфіскавалі больш шасцісот паштовак, узялі тлумачэнні і прынцыпова пратрымалі прадугледжаныя заканадаўствам тры гадзіны.

Адметнасцю сёлетніх выбараў у мясцовыя саветы на Гродзеншчыне з’яўляецца адсутнасць канкурэнцыі. Аб гэтым сведчаць афіцыйныя лічбы абласной выбарчай камісіі. На шэсцьдзесят дэпутацкіх мандадаў у Гродзенскі абласны савет прэтэндуе 86 чалавек.

Услед за актівістам з Мастоў Алесем Зарэмбюком, пертрус ва ўласнай кватэры быў зроблены і ў кандыдата ў дэпутаты ад Руху „За Свабоду” з Бярозаўкі Сяргея Трафімчыка. Ператрус, які доўжыўся каля трох гадзін праводзілі супрацоўнікі Упраўлення КДБ па Гродзенскай вобласці - Паршынцаў, Шэўчык і Антонаў.

На Гродзеншчыне актыўна выкарыстоўваюцца дзяржаўныя сродкі масавай інфармацыі з мэтай агітацыі выбарцаў за кандыдатаў ад улады. На старонках абласной газэты “Гарадзенская праўда” з’явіліся звароты прадстаўнікоў ветэранскіх арганізацый, праўладных палітычных партый і прафсаюзаў з заклікам да выбарцаў аддаць галасы за кандыдатаў ад улады.

У лідскім гісторыка-мастацкім музеі адкрылася для наведвальнікаў выстава твораў польскага мастака-графіка Часлава Тумелевіча. Адметна, што мастак нарадзіўся ў Лідзе, адкуль пасля пераехаля яго сям’я ў польскі горад Гданьск.

У Гарадзенскім дзяржаўным універсітэце імя Янкі Купалы распачалася Міжнародная навуковая канферэнцыя “Адам Міцкевіч і сучасная сусветная культура”, прымеркаванная да 20-годдзя кафедры польскай філалогіі купалаўскага універсітэту.

Выстава “Вінаград-2009” праходзіць у Гародні. Гарадзенскі аграрны ўніверсітэт два дні будзе пляцоўкай для абмену вопытам вінаградараў Беларусі.

Міжнародны арт-праэкт “Вектар танца”распачаў працу ў Гародні. Будынак драматычнага тэатру ветліва запрасіў прафесіяналаў і аматараў сучаснага танцу пад свае скляпенні. У ладжаным сэмінары практыкуме ўдзельнічаюць як беларускія педагогі харэаграфіі, кіраўнікі самадзейных танцэвальных калектываў, так і запрошаныя з-за мяжы адмыслоўцы.

Актывісты Лідскай філіі Таварыства беларускай мовы імя Францішка Скарыны пачалі збор подпісаў з прапановай да мясцовых уладаў перайменаваць шэраг вуліцаў раённага цэнтра, якія носяць савецкія назвы.

Сябры гарадзенскай гарадской арганізацыі партыі БНФ падтрымалі ініцыятыву Асамблеі няўрадавых арганізацый па адмене артыкула 193.1 Крымінальнага кодэкса, які прадугледжвае турэмнае зняволенне за дзейнасць ад імя незарэгістраванай арганізацыі.

Паводле загада дырэктара бярозаўскага шклозавода “Нёман” на прадпрыемстве на месяц працягнуты рэжым скарочанага працоўнага часу.