Чацвёрты дзень у Беларусі ідзе датэрміновае галасаванне. Іменна пад час гэтага галасавання адбываюцца асноўныя фальсіфікацыі, лічыць кандыдат у дэпутаты Брэсцкага абласнога савета ад партыі БНФ Уладзімір Вялічкін. Але ён цвёрда ўпэўнены, што апазіцыі ад выбараў адмаўляцца не трэба.

Гродзенскія ўлады з дапамогай мабільнага аператара сувязі МТС спрабуюць прыцягнуць жыхароў Прынямоння да ўдзелу ў датэрміновым галасаванні па выбарах дэпутатаў мясцовых саветаў.

Супрацоўнікі міліцыі затрымалі ў Ваўкавыску сябру Аб’яднанай грамадзянскай партыі Віталя Гуляка, які распаўсюджваў сярод жыхароў паштоўкі грамадскай кампаніі „Гавары праўду”. Яго прывезлі ў раённы аддзел унутраных спраў, дзе канфіскавалі больш шасцісот паштовак, узялі тлумачэнні і прынцыпова пратрымалі прадугледжаныя заканадаўствам тры гадзіны.

Вучні і педагагічны калектыў комплекса спецыяльных школ № 4 у Гайнаўцы атрымалі ўзнагароды за першае месца ў агульнапольскім мастацкім конкурсе „Экалагічны клас са сноў”.

Кандыдата ў дэпутаты Мінскага гарсавету ад БХД зноў выклікалі на паседжанне раённай выбарчай камісіі. Па выніках паседжання камісіі яе старшыня паведаміла Дзянісу Садоўскаму, што рашэнне аб зняцці яго з выбараў сёння прынятае не было, аднак сябры камісіі пакінулі гэта права за сабою аж да апошняга дня выбарчай кампаніі ў сувязі з тым, што па іх інфармацыі кандыдат нібыта парушыў выбарчае заканадаўства.

20 вучняў комплексу школаў у Ягуштове прымалі ўдзел у конкурсе ведаў аб Радыё Рацыя. Дзе можна слухаць перадачы нашага радыё, на якіх хвалях вяшчае Радыё Рацыя ды іншыя пытанні звязаныя з перадачамі радыё – на гэтыя ды іншыя пытанні адказывалі удзельнікі конкурсу.

Адметнасцю сёлетніх выбараў у мясцовыя саветы на Гродзеншчыне з’яўляецца адсутнасць канкурэнцыі. Аб гэтым сведчаць афіцыйныя лічбы абласной выбарчай камісіі. На шэсцьдзесят дэпутацкіх мандадаў у Гродзенскі абласны савет прэтэндуе 86 чалавек.

Услед за актівістам з Мастоў Алесем Зарэмбюком, пертрус ва ўласнай кватэры быў зроблены і ў кандыдата ў дэпутаты ад Руху „За Свабоду” з Бярозаўкі Сяргея Трафімчыка. Ператрус, які доўжыўся каля трох гадзін праводзілі супрацоўнікі Упраўлення КДБ па Гродзенскай вобласці - Паршынцаў, Шэўчык і Антонаў.

На Гродзеншчыне актыўна выкарыстоўваюцца дзяржаўныя сродкі масавай інфармацыі з мэтай агітацыі выбарцаў за кандыдатаў ад улады. На старонках абласной газэты “Гарадзенская праўда” з’явіліся звароты прадстаўнікоў ветэранскіх арганізацый, праўладных палітычных партый і прафсаюзаў з заклікам да выбарцаў аддаць галасы за кандыдатаў ад улады.

У лідскім гісторыка-мастацкім музеі адкрылася для наведвальнікаў выстава твораў польскага мастака-графіка Часлава Тумелевіча. Адметна, што мастак нарадзіўся ў Лідзе, адкуль пасля пераехаля яго сям’я ў польскі горад Гданьск.

Прагляды фільмаў, канцэрты, а нават кулінарныя абучэнні – гэта прапанова Іспанскіх дзён, якія на гэтым тыдні праходзяць у Беластоку.

Міжнародным велапрабегам адзначаць святкаванні 600-годдзя Грунвальдскай бітвы аматары адпачынку на двух калёсах з Гайнаўшчыны і Брэстчыны.

Да канца месяца можна падаваць заяўкі на дафінансаванне праектаў у межах праграмы „Дзейнічай лакальна 7”. Арганізацыяй, якія прымае заяўкі і выдзяляе грошы, з’яўляецца еўрарэгіён Белавежская пушча.

У апошні шлях Юстыну Манюшка правялі, між іншых, вучні і настаўнікі трэцяга ліцэя ў Беластоку, вучаніцай якога раней была загінуўшая 25-гадовая сцюардэса прэзідэнцкага самалёта, які разбіўся пад Смаленскам 10 красавіка.