Чэмпіянат свету па хакеі 2015 года пройдзе ў чэшскіх гарадах Прага і Астрава. Кандыдатуру Чэхіі 21 мая падтрымалі 84 дэлегаты гадавога кангрэса ІІХФ, які праходзіць у Кёльне.

Другім прэтэндэнтам была Украіна (дзве арэны ў Кіеве), якая атрымала 22 галасы, паведамляе сайт ІІХФ.

У 2011 годзе сусветнае першынство пройдзе ў Славакіі (Браціслава і Кошыцэ), у 2012-м і 2013-м — у Швецыі (Стакгольм) і Фінляндыі (Хельсінкі ў 2012-м; горад правядзення другога ЧС будзе вызначаны пазней), у 2014-м — у Беларусі (Мінск).

На ЧС-2016 будуць прэтэндаваць Украіна, Данія і Славенія, паведамляе БелаПАН