Міністэрства фінансаў Беларусі выканала рэспубліканскі бюджэт у студзенb-траўні 2009 года з прафіцытам Br719 млрд, або 1,44% ВУП, паведамілі ў Мінфіне.

Прыбыткі рэспубліканскага бюджэту склалі Br17,042 трлн, што складае 31% удакладненага плану на год. Выдаткі сфармаваныя ў памеры Br16,323 трлн, або 29,7% гадавога плану.

Як паведамлялася, у адпаведнасці з указам прэзідэнта N264 ад 28 траўня 2009 года выдаткі рэспубліканскага бюджэту дэ-юрэ скарочаныя на 5%, гэта значыць на велічыню раней запланаванага дэфіцыту ў Br2,8 трлн - з Br57,7 трлн да Br54,9 трлн. Фармальна ў бюджэце захаваны раней зацверджаны аб'ём прыбыткаў - таксама Br54,9 трлн. Бюджэт, такім чынам, стаў бездэфіцытным.

Дэ-факта выдаткі рэспубліканскага бюджэту скарочаныя амаль на Br10,8 трлн, або на 20%, у чаканні недапаступлення прыбыткаў на Br8 трлн. Фармальна выдаткі на Br10,8 трлн зарэзерваваныя ў бюджэце, што дазволіла намінальна правесці мінімальны секвестр, але пасля, пры фактычным недапаступленні прыбыткаў, бязбольна ажыццявіць тэхнічную карэктоўку бюджэту.

Бездэфіцытны бюджэт з'яўляецца адным з крытэраў рэалізацыі праграмы stand-by, якая падтрымліваецца крэдытам МВФ.

У 2008 году Мінфін выканаў рэспубліканскі бюджэт з прафіцытам Br926 млрд, або 0,7% ВУП, пры планавым дэфіцыце Br2,1 трлн, або 1,9% ВУП. У снежні ўказам прэзідэнта планавы дэфіцыт бюджэту-2008 быў паменшаны да Br344,7 млрд (0,25% ВУП).

Кансалідаваны бюджэт у 2008 года выкананы з прафіцытам Br1,8 трлн, або 1,4% ВУП.

Бездэфіцытны па выніках 2009 года бюджэт Беларусі з'яўляецца адным з трох колькасных крытэраў рэалізацыі праграмы ўрада, якая падтрымліваецца крэдытам МВФ.

Пры гэтым на працягу гэтага года рэспубліканскі бюджэт Беларусі павінен выконвацца з прафіцытам: не меней за Br400 млрд па выніках I квартала і I паўгоддзі і не меней Br1,1 трлн за студзень-верасень, паведамляе Інтэрфакс-Захад.