Супрацоўнікі Маскоўскага РАУС горада Брэста скасавалі дазвол на нашэнне газавага пісталета і канфіскавалі сам пісталет у каардынатара руху “За свабоду” па Брэсту Дзяніса Турчыняка. Падставай для такіх дзеянняў міліцыі паслужыла адміністрацыйная справа супраць Дзяніса Турчыняка, прыцыягненне да якой адбылося год таму.

Нягледзячы на націск уладаў, актывісты грамадзянскай кампаніі “Гавары праўду!” працягваюць сваю працу. Вобыскі і затрыманні больш як 30 актывістаў кампаніі прайшлі адначасова ў 12 гарадах Беларусі, разгромлены і апячатаны офіс установы. Нягледзячы на гэта, па словах каардынатара кампаніі Аляксандра Фядуты, праца кампаніі будзе працягнута.

Актывіст Маладога Фронту з Гомеля Антось Назаранка павінен выплаціць штраф у памеры 600 тыс. рублёў за адміністратыўнае правапарушэнне.

На Гродзеншчыне скарачаецца колькасць прыватных унітарных прадпрыемстваў, якія па задуме прэзідэнта краіны павінны былі прыйсці на змену індывідуальным прадпрымальнікам.

Пры надглядзе транспартнага сродку пры дапамозе інспекцыйна-надгляднага комплексу было ўстаноўлена, што перавозімы груз не адпавядае заяўленаму ў дакументах. У фуры аказалася дарагое стаматалагічнае абсталяванне, радыёстанцыі, відэакамеры, адзенне, дзіцячыя цацкі і многае іншае.

Ператрусы ў актывістаў кампаніі „Гавары праўду” і ў актывістаў Аб’яднанай грамадзянскай партыі стануць асноўнай тэмай вечаровай сустрэчы ў Еўрапейскім парламенце беларускай дэлегацыі са старшынёй Еўрапарламента Ежы Бузэкам.

Каля 87% гледачоў тэлеканала АНТ падчас галасавання ў рамках ток-шоу "Выбар" заявілі, што не вераць у бяспеку сучасных АЭС.

У Міжнародны дзень абароны дзяцей, 1 чэрвеня, Беларускі прафсаюз работнікаў радыёэлектроннай прамысловасці збіраецца правесці пікеты.

Навучэнцы польскіх школ Гродзеншчыны здаюць іспыты на права паступлення ў вышэйшыя навучальныя ўстановы Рэспублікі Польшча.

Віцебскі актывіст Барыс Хамайда 15 траўня каля дома №28 па вуліцы Леніна распаўсюджваў незалежную прэсу - газеты “Наша Ніва”, “Наша Слова”, часопіс АРХЭ, калі да яго падыйшоў капітан ДАІ. Увагу капітана прыцягнула бел-чырвона-белая стужка, якую актывіст прывязаў да парасона такіх жа колераў.

Беларусы чакаюць ад магчымага далучэння да Еўрапейскага Саюза больш негатыву, чым пазітыву. Такія вынікі атрымалі эксперты Беларускага інстытута стратэгічных даследаванняў і сацыялагічнай лабараторыі НОВАК падчас нацыянальнага апытання, якое праводзілася цягам некалькіх месяцаў.

Семінар па развіцці аграэкатурызму на Гродзеншчыне пройдзе 28 траўня ў Гродне. Прадстаўнікі ўладаў, грамадскіх аб’яднанняў і турыстычных фірмаў абмяркуюць перспектывы і праблемы развіцця аграэкатурызму ў Панямонні.

Вечарам 13 траўня міліцыя з вобыскам прыйшла да актывістаў БХД з Навагрудка Юрася Казака і Уладзіміра Качагура. Паводле міліцыянтаў вобыск быў звязаны з тым, што ў ноч з 12 на 13 траўня ў горадзе нібыта былі абліты зялёнай фарбай два міліцэйскіх аўтамабіля. Па “аператыўнай інфармацыі” міліцыі, да гэтага маглі мець дачыненне Качагур і Казак.

Другі раз магіла прэм'ера Беларускай Народнай Рэспублікі, дэпутата Дзяржаўнай Думы Расійскай імперыі і Сенату Польшчы Рамана Скірмунта, што ў вёсцы Парэчча Пінскага раёну, застаецца без ганаровай шыльды ўсталяванай на магільным крыжу да яго 140-годдзя.

Валанцёры грамадскай кампаніі “Гавары праўду” пачалі збіраць подпісы гродзенцаў пад зваротам да мясцовых уладаў з прапановай ушанаваць памяць знакамітага беларускага пісьменніка Васіля Быкава і надаць адной з вуліц горада яго імя.