Як паведаміў Радыё Рацыя беспрацоўны,  былы настаўнік з вёскі Новая Гаць, што ў Івацэвіцкім раёне, Валянцін Кавальчук, ён адмовіўся ад дактыласкапіі, што прапаноўвалася ў павестцы, падпісанай начальнікам ваенна-ўліковага стала Святавольскага сельвыканкама Валянцінай Басалай.

Па словах Кавальчука, на дактыласкапію, якая ў позве названа “деласкапіяй”,  яго запрашалі ў памяшканне сельсавета ў сувязі з выбухам у Менску ў мінулым годзе.

Сп. Валянцін бачыў, што такія позвы атрымалі і іншыя яго аднавяскоўцы. На яго думку, дрэнныя справы ў міліцыі, калі ў выбуху падазраюцца і вяскоўцы, якім у летнюю пару не да сталічных гулянак, тым больш, калі за іх яшчэ і грошы плаціць трэба.
                                                                                   
Ганна Васілевіч, Радыё Рацыя.

Фота: novayagazeta.ru