Усе затрыманыя актывісты грамадзянскай кампаніі "Гавары праўду" былі вызваленыя каля першай гадзіны паводле беларускага часу. Міліцыянты пакінулі іх у цэнтры Мінска без асабістых рэчаў. Ніякіх абвінавачванняў ім не было выстаўлена.

Ператрусы на офісах і ў кватэрах актывістаў кампаніі “Гавары праўду” – гэта своеасаблівы пасыл беларускіх уладаў як у бок Расіі, так і бок еўрапейскай супольнасці. Так лічыць сустаршыня стваранай партыі Беларуская Хрысціянская Дэмакратыя Павал Севярынец.

На мінскім офісе грамадскай кампаніі "Гавары праўду" адбыўся ператрус. Вобшукі таксама прайшлі ў Магілёве, Брэсце, Гродне, Барысаве. У Гомелі ператрусы адбываліся адразу ў некалькіх месцах.

16 траўня госцем Яны Запольскай быў Алесь Міхалевіч, беларускі палітык, палітолаг-юрыст, які сам сябе зараз прадстаўляе коратка і „сціпла” – кандыдат у прэзідэнты 2011 года.

Беларуская партыя левых „Справядлівы свет” будзе прымаць удзел у прэзідэнцкіх выбарах і збіраецца вылучаць свайго кандыдата. Пра гэта было заяўлена ў пятніцу падчас пасяджэння бюро Цэнтральнага камітэту партыі.

Супрацоўнікі ўпраўлення Камітэта дзяржаўнай бяспекі па Гродзенскай вобласці пераследуюць актывістаў грамадзянскай кампаніі “Гавары праўду” - ініцыятараў збора подпісаў жыхароў горада да мясцовых ўладаў з прапановай надаць адной з вуліц абласнога цэнтра імя Васіля Быкава.

У партыі БНФ здарыўся раскол адносна будучага з’езда, запланаванага на 29 траўня. Частка сябраў Мінскай арганізацыі партыі выказалі нязгоду адносна рашэння сойма пра фармаванне дэлегацкага спісу на з’езд, паводле якога ўдзельнікаў называюць былыя кандыдаты ў дэпутаты мясцовых саветаў. Менавіта на гэтым з’ездзе мяркуецца акрэсліць ролю партыі БНФ у будучай прэзідэнцкай кампаніі – назваць свайго кандыдата ці падтрымаць аднаго з ужо вылучаных.

Супрацоўнікі праваахоўных органаў арыштавалі дырэктара Гродзенскага мясакамбіната Анатоля Грышука. Яго абвінавачваюць у нанясенні шкоды дзяржаве памерам больш трохсот мільёнаў беларускіх рублёў. Гэта чарговы эпізод у вялікім карупцыйным скандале, што разгортваецца на Гродзеншчыне.

ЗША занепакоеныя прысудам, вынесеным Мікалаю Аўтуховічу і тром іншым асобам, абвінавачаным у незаконным захоўванні зброі.

Беларусь святкуе 65-ю гадавіну перамогі над фашысцкай Германіяй у Вялікай Айчыннай вайне. Святочныя мерапрыемствы з нагоды Дня Перамогі пройдуць сёння ва ўсіх гарадах краіны.

Роўна год як прайшоў устаноўчы саміт "Усходняга партнёрства" ў Празе. Як мы цяпер можам ацаніць праграму і што ад яе чакаць у будучым? Чаму пэўных і канкрэтных крокаў пакуль не назіраецца і чаму столькі праблем у рэалізацыі планаў? На гэтыя пытанні адказвае прафесар Уладзімір Дунаеў.

Палата прадстаўнікоў прыняла ў першым чытанні праект закону аб амністыі, якая будзе прысвечаная да 65-годдзя Перамогі ў Вялікай Айчыннай вайне. Гэта будзе ўжо 7 амністыя, якая абвешчаная за часам праўлення Аляксандра Лукашэнкі. Плануецца, што на гэты раз на волю па амністыі выйдуць каля 3 тысячаў чалавек.

У межах свайго святога падарожжа па Беларусі, узноўлены Крыж Еўфрасінні Полацкай прыбыў ў Гродна, дзе вернікі змогуць яму пакланіцца ў Свята-Пакроўскім саборы цягам двух дзён.

На працягу сакавіка знешні і ўнутраны дзяржаўны доўг павялічыліся на шэраг працэнтаў. Каторы раз дзяржаўныя чыноўнікі павялічваюць ліміт дзяржаўнай запазычанасці. На сёння мяжа складае 9,5 мільярда даляраў, пры гэтым пазычана ўжо каля 8,5 мільярда.

Лідэр руху "За Свабоду" Аляксандр Мілінкевіч мае намер балатавацца на пасаду прэзідэнта Беларусі. Аб гэтым ён заявіў 3 мая на прэс-канферэнцыі ў Мінску. Рашэнне аб удзеле ў выбарах Аляксандра Мілінкевіча было прынята радай руху "За Свабоду" 30 красавіка.