У Гарадзенскім дзяржаўным універсітэце імя Янкі Купалы распачалася Міжнародная навуковая канферэнцыя “Адам Міцкевіч і сучасная сусветная культура”, прымеркаванная да 20-годдзя кафедры польскай філалогіі купалаўскага універсітэту.

На ўрачыстым Паседжанні прынялі ўдзел прадстаўнікі вышэйшых навучальных установаў з Гданьска, Кракава, Менску.

Амбасадар Рэчы Паспалітай ў Беларусі Генрык Літвін, Генеральны консул у Гародні Адам Бернатовіч і віцэ-маршалак Сенату Рэчы Паспалітай Збігнеў Рамашэўскі:

- Я мяркую, што гэта вельмі важная рэч, асабліва на Гарадзеншчыне, дзе пражываюць кампактна людзі польскага паходжання. Мы жывем на Памежжы і трэба вывучаць ягоныя праблемы. Паўстае Інстытут імя Адама Міцкевіча. Нашы лёсы злучаныя і трэба ўмець з гэтага вылучыць самае каштоўнае…

Канферэнцыя будзе доўжыцца два дні. Другое пленарнае пасяджэнне адбудзецца ў Навагрудку, у доме-музеi Адама Мiцкевiча. На заключным пасяджэннi ўдзельнiкi абмяркуюць i прымуць рэзалюцыю канферэнцыi.

Госцi i ўдзельнiкi наведаюць азёры Лiтоўка i Свiцязь.

Вацлаў Галімскі, Радыё Рацыя, Гародня