Міліцыянты затрымалі ў Будславе актывістаў аргкамітэту дзеля стварэння Беларускай хрысціянскай дэмакратыі Паўла Севярынеца, Дзяніса Лаеўскага, Паўла Батуева  і Генадзя Фарына.

Актывісты раздавалі газету "Крыніца", якая з'яўляецца рэлігійным выданнем, выходзіць тыражом 299 асобнікаў і змяшчае матэрыялы пра стан справаў з захаваннем правоў вернікаў і свабоды сумлення. Павал Севярынец адразу пасля затрымання запатрабаваў адваката і праз паўгадзіны міліцыянты адпусцілі яго і Паўла Батуева.

- Я запатрабаваў адваката, на якіх законных падставах яны гэта робяць, яны не маглі нічога адказаць. Вымушыны былі адпусціць. Мяне і яшчэ аднаго чалавека выпусцілі, двух яшчэ трымаюць. Не можам да іх датэлефанавацца.

Зараз міліцыянты аптываюць двух апошніх актывістаў. У аднаго з  іх канфіскавалі 15 асобнікаў газеты. Пакуль што пратакол затрымання не складзены.

Валя Лаеўская, Радыё Рацыя.