Тапёрскае майстэрства адраджаецца ў Мінску ўпершыню за амаль 80 год. Прафесія тапёра знікла з прыходам гукавых кінафільмаў, а таму знікла патрэба ў музычнай агучцы стужак.

Малады Фронт накіраваў запрашэнне ў Міністэрства Юстыцыі на ўстаноўчы з’езд свайго моладзевага аб'яднання, паведаміў прэс-сакратар “Маладога фронту” Станіслаў Стэсік. Рэгістрацыйны сход арганізацыі адбудзецца 30 траўня, і маладафронтаўцы вырашылі паказаць, што яны гатовыя ісці на кантакт з Мінюстам.

Супрацоўнікі Маскоўскага РАУС горада Брэста скасавалі дазвол на нашэнне газавага пісталета і канфіскавалі сам пісталет у каардынатара руху “За свабоду” па Брэсту Дзяніса Турчыняка. Падставай для такіх дзеянняў міліцыі паслужыла адміністрацыйная справа супраць Дзяніса Турчыняка, прыцыягненне да якой адбылося год таму.

Уладзімір Някляеў быў гатовы і да больш жорсткага варыянту развіцця падзеяў – па словах лідэра грамадскай кампаніі “Гавары праўду!”, які быў затрыманы ў аўторак 18 траўня, ён ужо рыхтаваўся як найменш да трохгадовага тэрміну зняволення.

Беларуская паэтка новай генерацыі, вядомая аматарам паэзіі як у Беларусі, так і па-за яе межамі, Валерыя Кустава рыхтуе да выхаду новую кнігу сваіх вершаў. Як зазначыла аўтарка, канцэпцыя вывераная, кніга ўжо складзеная і знаходзіцца на рэдактуры, пасля чаго пойдзе на афармленне і ў друк.

У паўфіналах 74-га чэмпіянату свету па хакеі ў Германіі 22 мая Швецыя згуляе з Чэхіяй, а Расія — з гаспадарамі першынства. Зборная Беларусі ў плей-оф не трапіла, заняўшы пятае месца ў групе Е і 10-е ў агульнай табліцы.

Усе затрыманыя актывісты грамадзянскай кампаніі "Гавары праўду" былі вызваленыя каля першай гадзіны паводле беларускага часу. Міліцыянты пакінулі іх у цэнтры Мінска без асабістых рэчаў. Ніякіх абвінавачванняў ім не было выстаўлена.

"Газпром" можа абмежаваць пастаўкі газу ў Беларусь, калі яна не верне запазычанасць перад манапалістам у памеры 137 млн. долараў, паведамляюць расійскія "Ведомости" са спасылкай на крыніцы, блізкія да газавага канцэрна.

Міністар замежных справаў Беларусі Сяргей Мартынаў прыме ўдзел у нефармальнай сустрэчы кіраўнікоў знешнепалітычных ведамстваў краін-удзельніц “Усходняга партнёрства”, якое пройдзе 24 траўня ў Сопаце.

Нягледзячы на націск уладаў, актывісты грамадзянскай кампаніі “Гавары праўду!” працягваюць сваю працу. Вобыскі і затрыманні больш як 30 актывістаў кампаніі прайшлі адначасова ў 12 гарадах Беларусі, разгромлены і апячатаны офіс установы. Нягледзячы на гэта, па словах каардынатара кампаніі Аляксандра Фядуты, праца кампаніі будзе працягнута.

Гродзенцы выказваюць спадзяванні на тое, што з прыходам новага кіраўніка абласной вертыкалі Сямёна Шапіры спыніцца руйнаванне горада над Нёманам, якое набыло шырокі размах пры былым старшыні аблвыканкама Уладзіміры Саўчанку.

Прадстаўнікі Беларускай асацыяцыі журналістаў выказваюць катэгарычны пратэст супраць дзеянняў улады ў дачыненні лідэраў кампаніі “Гавары праўду!”. Па словах намесніка старшыні БАЖ Андрэя Аляксандрава, сябры журналісцкай супольнасці не бачаць у дзеяннях затрыманых складу крымінальнага злачынства, а тым больш падставаў для ўзяцця пад варту.

Прэзентацыя чарговага нумару “Архэ” ў Гродне прайшла з удзелам выдаўцоў і шматлікіх аўтараў. Гэты нумар носіць назву – "Другая Гародня", і як лічыць галоўны рэдактар часопіса Валер Булгакаў, адлюстроўвае розныя, для многіх невядомыя старонкі гісторыі гэтага горада.

Як толькі што стала вядома, польскі Сейм адзінагалосна ратыфікаваў пагадненне аб малым памежным руху з Беларуссю. Аб гэтым Рацыі паведаміў дэпутат ад Грамадзянскай платформы Роберт Тышкевіч.

Беларуская сацыял-дэмакратычная партыя Грамада просіць праявіць салідарнасць з рэпрэсаванымі актывістамі. Прэзідыум партыі накіраваў зварот Сацыял-дэмакратычным і сацыялістычным партыям Сацыялістычнага Інтэрнацыяналу, а таксама Партыі Еўрапейскіх сацыялістаў.