Архіў

У Мінску арыштаваны і змешчаны ў следчы ізалятар адзін з фігурантаў «Справы 14-і» моладзевы актывіст Аляксандр Баразенка. Супраць хлопца высунута абвінавачанне ў арганізацыі масавых беспарадкаў у студзені бягучага году.

27 кастрычніка на сваё першае пасяджэнне сабраліся дэпутаты Палаты прадстаўнікоў новага, ужо чацвёртага па ліку, склікання. Першы дзень сваёй працы новыя дэпутаты распачалі з зацвярджэння ўласных паўнамоцтваў – менавіта такую норму прадугледжвае беларускае заканадаўства адносна пачатку працы адноўленага складу Палаты прадстаўнікоў.

26 кастрычніка легендарнаму беларускаму пісьменніку Анатолю Сысу споўнілася б 49 гадоў. У гэты дзень на ягонай радзіме ў Гарошкаве адбылося Свята паэзіі ў гонар паэта.

З нагоды 20-годдзя руху БНФ у Гродна адбыўся ўрачысты сход гарадской суполкі партыі БНФ, на якім абмяркоўваліся таксама працоўныя пытанні. А менавіта падвядзенне вынікаў мінулых парламенцкіх выбараў і вылучэнне кандыдытаў ад БНФ на пасаду прэзідэнта ў будучых прэзідэнцкіх выбарах.

26 кастрычніка ў Мінск прыбылі прадстаўнікі МВФ для правядзення перамоў з беларускімі ўладамі аб выдзяленні Беларусі рэзервовага крэдыту у памеры 2 млрд. долараў ЗША. Але паколькі нядаўна іншы – стабілізацыйны крэдыт у тым жа памеры Беларусь папрасіла ў Расіі, цікава даведацца, навошта спатрэбіўся яшчэ адзін. Незалежныя эксперты бачаць у гэтым два аспекты – эканамічны і палітычны.

Альбом «Маніфэст» гурта "Ляпіс Трубяцкой" спампавалі ў інтэрнэце больш за 50 тысячаў карыстальнікаў, а песьня «Зорачкі» з гэтай праграмы другі раз запар перамагла ў чарце на Тузіна Хітоў. Прадусар «Ляпісаў»: «Нам асабліва прыемна, што нашу беларускамоўную песню спяваюць у Расіі ды Ўкраіне. Гучыць крыху камічна, але якога гонару дадае!»

Пасля тыднёвага перапынку Максім Мірны вярнуўся ў трыццатку мацнейшых тэнісістаў свету, якія выступаюць у парным разрадзе. 27 кастрычніка ў рэйтынгу АТП беларускі спартсмен перамясціўся з 32-га на 27-е месца.