Архіў

Сябры камуністычнай партыі Расіі скарысталі працу беларускага рэжысёра Аляксея Церахава без ягонай згоды ў прапагандысцкіх мэтах. Кліп пад назвай “Вельмі хочацца ў Савецкі Саюз” з’явіўся на галоўнай старонцы афіцыйнага сайту КПРФ. Беларускі творца, які называе сябе перакананым антыкамуністам, абураны і збіраецца падаваць на плагіятараў у суд.

На многіх беларускіх прадпрыемствах пачаліся праблемы звязаныя з сусветным фінансавым крызісам і нерэфармаванай эканомікай. Парацаўнікоў шэрагу заводаў у Барысаве, Менску ды іншых гарадах пераводзяць на чатырохдзённы працоўны тыдзень, адпраўляюць у адгулы за свой кошт. Скарачаюцца заказы на прадукцыю, асабліва з Расіі.

Для нядбайных бацькоў будуць створаныя працоўныя лагеры. Такую прапанову ці нават загад вынес кіраўнік краніы Аляксандр Лукашэнка. На яго думку, у краіне недастаткова робіцца для таго, каб абараніць дзяцей , чые бацькі ствараюць для іх рэальную пагрозу. “Юрыдычны бюракратызм” ён загадаў замяніць жорсткімі практычнымі мерамі.

Сёння у вышэйшым гаспадарчым судзе Беларусі пасля амаль паўтарагадовага перапынку аднавіліся слуханні па справе аб маёмасці менскай царквы хрысціян поўнага евангелля “Новай жыццё” – кіраўніцтва пратэстанцкай супольнасці дамагаецца прызнання за сабой права на уласны будынак у сталічным мікрараёне Сухарава. На судовым працэсе пабываў наш менскі карэспандэнт Барыс Гарэцкі.

Апошнім часам журналісты Рацыі сутыкнуліся з праблемай пры тэлефанаванні на Беларусь. Справа ў тым, што падчас тэлефанавання палітыкам, або экспертам на мабільныя тэлефоны слухаўку адбірае жанчына, якая не вітаецца, а просіць пачакаць хвіліну. Такім чынам нібыта адказаўшы на тэлефонны званок рэспандэнт ёсьць на сувязі, але яго прыходзіцца чакаць на працягу доўгага часу і патрэбны чалавек не падыходзіць да тэлефона.

Аляксандар Мілінкевіч прачытаў публічную лекцыю студэнтам Эўрапейскага гуманітарнага ўнівэрсытэту. Вялікая катэдральная аўдыторыя ўнівэрсытэту была перапоўненая гледачамі. Паслухаць былога кандыдата ў прэзыдэнты Беларусі прыйшлі ня толькі студэнты, але й выкладчыкі ЭГУ.

Сышлі ў мінулае часы, калі прымежныя жыхары зараблялі на перавозках беларускага бензіну ў баках аўта да найблізкіх суседзяў. Зараз жыхары суседніх краін змогуць зарабляць такім чынам.