Архіў

У Менску ўжо ў 10-ты раз пройдзе фестываль “Грыфаманія” – відовішча вельмі цікавае для кожнага, хто любіць музыку. Гітарысты розных пакаленняў, з адукацыяй ці проста самавукі дэманструюць што можна рабіць з гэтым інструментам. Аказваецца, што можна граць не кранаючы струн і пераўтварыць гітару ў фартэпіяна. Арганізатары “Грыфаманіі” плануюць правесці фестываль ва ўсіх абласных гарадах ды прывезці ў Мінск Карласа Сантану.

У панядзелак позна ўвечары скончыўся адборачны канцэрт праекту “Рок-школа”, які мае на мэце паспрыяць маладым музыкам у далейшым прасоўванні. На сцэне клуба “Гудвін” адыгралі 12 гуртоў, за выступамі якіх сачылі некалькі сотняў прыхільнікаў беларускага року і з дзесятак вядомых персонаў у беларускай музыцы, якія па хуткім часе будуць “настаўнічаць” у гэтай незвычайнай установе.

Сёння падчас прэс-канфэрэнцыі з нагоды першай гадавіны кананічнага уступлення на пасаду Менска-Магілёўскага Мітрапаліта-Арцыбіскуп Тадэвуш Кандрусевіч падзяліўся дасягненнямі і няўдачамі беларускага касцёла за мінулы год, а таксама плянамі на будучыню.

Заходнія банкі практычна цалкам закрылі ліміты непакрытага фінансавання беларускіх банкаў пасля звароту ўладаў у МВФ за крэдытам.

Беларускія каталікі працягваюць эстафетны пост за вяртанне вернікам будынкаў Менскага кляштару бэрнардынцаў з касцёлам-помніка барока 17-га стагоддзя. Зараз у посце удзельнічаюць 70 чалавек з Менску і Івянца.