Архіў

Бярозаўскі райвыканкам зноў зрабіў фармаванне выбарчых камісій таямніцай. Але на гэты раз ад апазіцыі сябрамі участковых камісій сталі 2 чалавекі - сябра партыі БНФ Таццяна Аліхвер была накіравана ад грамадзян, Сяржук Русецкі - ад партыі БНФ. Усё роўна гэта не радуе астатніх сябраў партыі БНФ, якіх не толькі не ўключылі ў камісіі, але нават не паведамілі, калі іх фармавалі.

Кіраўнік Беларусі Аляксандр Лукашэнка адмовіўся наведваць ўрачыстасці з нагоды аднаўлення незалежнасці Літвы. Замест кіраўніка краіны ўзначаліць беларускую дэлегацыю намеснік прэм’ер‑міністра Віктар Бура.

Брэсцкая абласная арганізацыя Беларускай сацыял-дэмакратычнай партыі "Грамада" вельмі ўпэўненая ў сваіх кандыдатах на выбары ў дэпутаты мясцовых органаў самакіравання. Сябры партыі і каманды кандыдатаў ведаюць свой патэнцыял якім задаволеныя, хоць і не скрываюць свае недапрацоўкі.

Сёння ў Гродна адміністрацыі раёнаў вылучалі ў склад участковых камісій прадстаўнікоў. Па Кастрычніцкім раёне з 1071 заяўніка было вылучана толькі 2 прадстаўнікі ад дэмакратычных партыяў. Адзін з БНФ і адзін з АГП.

Кіраўніцтва гарадской суполкі Партыі БНФ Брэста вельмі занепакоенае сваеасаблівым рашэннем мясцовых уладаў аб забароне пікетаў на цэнтральных вуліцах і плануе нейкім чынам паўплываць на яго адмену ці знайсці нейкі іншы выхад з сітуацыі.

Як высветлілася падчас судовага паседжання, пратакол аб адміністрацыйным правапарушэнні ў дачыненні да Алеся Дзянісава складзены з парушэннем існуючага заканадаўства, у сувязі з чым суддзя Ксенія Стасюкевіч і прыняла рашэнне аб пераносе слуханняў.

9 сакавіка на вялікай сцэне Драматычнага тэатра ў Беластоку выступіў Рэспубліканскі тэатр беларускай драматургіі з Мінска. Беластоцкія гледачы змаглі паглядзець „Чарнобыльскую малітву” – драму паводле твора Святланы Алексіевіч.

Чакаецца, што першае паседжанне беларуска-польскай урадавай групы экспэртаў, якая будзе вырашаць канфлікт вакол Саюзу палякаў Беларусі, пройдзе ў Мінску ўжо неўзабаве. Раней паведамлялялася, што сустрэча мелася адбыцца ў Варшаве 9 сакавіка, аднак па тэхнічных прычынах была адтэрмінаваная.

Дыялог з афіцыйным Мінскам трэба працягваць, аднак ён павінен быць непрадуманым, гэта не павінны быць аднабаковыя саступкі, як да гэтай пары, а канкрэтныя крокі, найперш з боку Беларусі, затым Еўразвязу, такі зроблены вывад з сённяшняй сустрэчы ў польскім Сейме дэлегацыі беларускай апазіцыі з камісіяй польскага Сейма па справах Беларусі, паведаміў старшыня гэтай камісіі Роберт Тышкевіч.

Чыноўнікі Брэста могуць пайсці і на крок пазбаўлення статусу гістарычнай каштоўнасці будынкаў, каб абыйсці законы, адзначае кіраўнік Руху "За Свабоду" у Брэсце Дзяніс Турчаняк, з якім пагутарыў наш карэспандэнт.

Выстава гішпанскіх фотамастакоў распачала супрацоўніцтва гэтай краіны з Беларуссю ў культурнай сфэры. На адкрыцці выставы пад назвай “Тут і цяпер” прысутнічалі паслы еўрапейскіх і лацінаамерыканскіх краінаў, а госцем быў міністр замежных спраў Беларусі Сяргей Мартынаў.