Архіў

Беларуская дэлегацыя знаходзіцца ў брюсельскай штаб-кватэры НАТА, дзе праходзіць паседжанне Вайскова-палітычнага камітэту Паўночнаатлантычнага альянсу ў справе працэса планавання і ацэнкі сілаў праграмы “Партнёрства дзеля міру”. У Міністэрстве абароны Беларусі і незалежныя эксперты гавораць, што гэта звычайная планавая сустрэча ў рамках НАТАўскай праграмы.

Беларускаму Гістарычнаму Таварыству споўнілася 15 гадоў. З нагоды маленькага юбілею ва Універсітэцкай Бібліятэцы імя Ежы Гедройца адкрылася выстава, якая прадстаўляе дзейнасць і публікацыі Таварыства і яго сяброў. Звыш 100 кніг выстаўленыя на адмысловых стэндах, каля 50 з іх - выдадзены Таварыствам.

Амерыканскага юрыста Эмануіла Зельцэра і яго сакратарку Уладлену Функ (Брускову) перавялі са следчага ізалятара КДБ у СІЗА № 1 ГУУС Мінгарвыканкама на вуліцы Валадарскага ў Мінску. Пра гэта БелаПАН паведаміў іх адвакат Дзмітрый Гарачка.

4 лістапада ў Менску распачаўся беларуска-польскі эканамічны форум “Добрасуседства”. Яго ўдзельнікі так і не дачакаліся польскага віцэ-прэм’ера Вальдэмара Паўляка і мерапрыемства адкрыў амбасадар Беларусі ў Польшчы Павал Латушка. Сёння на форуме размова вялася пра пашырэнне беларускага экспарту ў Польшчу і спрашчэнне візавых працэдураў. На больш даступныя польскія візы могуць спадзявацца найперш жыхары памежжа.

Праваслаўныя вернікі Гародні змагаюцца супраць ідэнтыфікацыйных нумароў у сваіх пашпартах. 2 cкаргі з патрабаваннем абавязаць упраўленне ўнутраных спраў аблвыканкама выдаць новыя пашпарты, якія не ўтрымліваюць асабістых нумароў, накіраваныя ў судовыя ўстановы горада. Больш 10 заяваў знаходзяцца на разглядзе ў пашпартна-візавай службе.

Прадпрымальнікі аспрэчваюць меркаванне эксперта наконт іх далейшай дзейнасці. Днямі ў гутарцы з карэспандэнтам БелаПАН юрыст Сяргей Балыкін выказаў думку, што індывідуальныя прадпрымальнікі не ў поўнай меры ўсведамляюць праблемы, з якімі ім давядзецца сутыкнуцца пасля 1 студзеня 2009 года.

Візіт у Беларусь польскага віцэ-прэм’ера і міністра эканомікі Вальдэмара Паўляка не адбыўся.

Група берасцейскіх праваабаронцаў з 7 чалавек напісалі зварот да прэзідэнта з прапановай вярнуць асобныя палажэнні закона, які ўсталёўвае адміністрацыйны арышт за занятак прастытуцыяй.