Архіў

Падчас свайго выступу на свяце “Казюкі-2010” сенатар Рэчы Паспалітай Станіслаў Гогач заявіў, што рэпрэсіўная палітыка беларускіх уладаў адносна прадстаўнікоў польскай нацыянальнай меншасці Беларусі выклікае занепакоенасць не толькі ў Польшчы, але і ў дэмакратычнай грамадскасці ўсяго свету.

У парламенцкай Асамблеі праграмы "Усходняе Партнёрства" Еўранэст не будзе прадстаўнікоў Беларускага парламента, сказаў сёння нашаму радыё еўрадэпутат Яцэк Сарыюш-Вольскі.

Палітычны эксперт Уладзімір Мацкевіч не выключае што ў межах аднаго з праектаў або праграмаў ЕС будзе фінансавацца праўладны Беларускі Рэспубліканскі саюз моладзі. Пытанне аб фінансаванні гэтай арганізацыі было ўзнятае ў інтэрв'ю дзяржаўнага агенцтва Белта з новым кіраўніком БРСМ Ігарам Бузоўскім. Уладзімір Мацкевіч зазначае, што ЕС да канца не разумее асаблівасцяў дзейнасці няўрадавых арганізацыяў у Беларусі.

У Мінску ўручаць узнагароды найлепшым рок-музыкам краіны. Цырымонія “Рок-Каранацыя-2009” адбудзецца ў мінскім клубе “Рэактар”. Удзел у ёй возьмуць такія гурты, як “Ляпіс Трубяцкой”, “Нейра дзюбель”, “Крама”, а весці цырымонію будзе лідэр гурта “Палац” Алег Хаменка.

У Менскім музеі Вялікай Айчынай Вайны адкрыўся цыкл выставаў, дзе прадстаўленыя краявіды беларускіх гарадоў на паштоўках і фотаздымках канца 19-га, пачатку 20-га стагоддзяў. Сярод экспанатаў, якіх налічваецца каля 500, можна знайсці выявы архітэктуры розных гарадоў Беларусі, побытавыя сцэны, партрэтныя здымкі і лісты-паштоўкі тых часоў.